أعلنت الاعلامية وفاء الطرابلسي عن خبر اصابتها بكورونا من خلال تدوينة نشرتها على حسابها على فيس بوك. كما تحدثت الأخيرة عن أعراض الإصابة داعية الناس إلى الالتزام بالاجراءات الوقائية وذلك من خلال تدوينتها التالية :
التدوينة :
Moi aussi j’ai chopée le coronavirus ...
من الأول ماتحبش تصدق وبطبيعتنا في تونس نوليو الكل طبة في الأوقات هذي على هذاكا قنعوني أنو grippe وباش نرتاح.. اما الاعراض بدات تزيد وشكي بدأ يزيد من الأول تبدى بالكحة تزيدك السخانة ووجيعة قوية في الرأس ومبعد تفقد حاسة الشم ومبعد نتعداو للمرحلة الأصعب الي قاعدة نعيش فيها توا مرحلة وجيعة المفاصل.. ومبعد تجي نتيجة التحليل الي يأكدلك الي بدنك قاعد يتعارك مع الفيروس وانت توا يلزمك تاقف معاه.. اي شبيه نتعاركو معاه ونغلبوه نشالله.. على الاقل المرة هذي تحس روحك دخلت في عركة تستاهل مع عدو بالحق ويلزمك تخرج منها رابح..
الحاجة الي تقلق نفسانيا هي خوفك انك تكون عديت الناس الي تحبهم قبل ماتظهر عليك الاعراض من غير ماتعرف.. نشالله مانكون عديت حد اما الاكيد اني التزمت بالحجر ملي بدات الاعراض و باش نقعد ملتزمة بيه حتى لين نكمل عركتي.. اخبار الموت زادة تقلق برشة ودخلك في مرحلة التهلويس الي هي اصعب من المرض في حد ذاتو..
اما تحية كبيرة عاد لجهاز مناعتي ونقلك راك مش وحدك هاني معاك واطلب وتمنى هالمدة الي تطلبوا الكل يجيك وبقدرة ربي نفتفتوه ونرجعو للحياة خير من قبل ❤️
"قل لن يصيبنا الا ما كتب الله لنا"
ربي يحميكم ردوا بالكم على رواحكم وعلى والديكم خاصة وربي يشفي المرضى الكل..
-بقلم: محمد سعيد النصيري
إرسال تعليق